 |
 |
 |
 |
 |
 |
 |
 |
|
#1
26-08-2009, 05:34 AM
|
||||
|
||||
.gif){kind=icon}
غضب عارم من اختيارات حسن شحاته للمنتخب المصري قبل لقاء رواندا
 ستجدون في الموضوع التالي قائمة باختيارات حسن شحاته قائمة منتخب مصر التى ستواجه رواندا لو تحبو شوفوها الاول بس في الموضوع ده تعالوا نتناقش و نقول رأينا الاهلويه زعلانين ان شريف عبد الفضيل مش في الاختيارات و الزمالكاويه زعلانين ان عبد المنصف و صبري رحيل و حازم امام و شيكابالا و عمرو زكي مش في التشكيله رغم ان عمرو زكي و شيكابالا مصابين و لو حالتهم اتحسنت هاياخدهم حسن شحاته المهم يا جماعه انا شايف ان تشكيل المنتخب مافيش حاجه اتغيرت فيه غير زيدان و زكي مايهمكوش اسامي المختارين في النهايه هاتلاقي نفس الفريق اللي شفتوه قبل كده هو اللي هايلعب و على فكره انا مش شايف ان حازم امام حاليا احسن من المحمدي دفاع حازم مش بقوة دفاع المحمدي و هجوم حازم بطريقه واحده معتمده على فارق السرعه مع الباك اللي قدامه لكن لما هاتلاعب افارقه طولهم ماشاء الله هاتكون فتحة برجل المدافع تجيب فرق السرعه و كمان ماينفعش ان واحد يجري زي حازم و يسيب مكانه من غير دفاع حسن شحاته معتمد في الماتشات اللي فاتت على عمق وسط الملعب مش على الاطراف يعني كان معتمد على زيدان و ابو تريكه حسن شحاته ثبت نفسه في قرار استبعاد زيدان و قال على جثتي مش راجع كأن منتخب مصر هانصحى بعد يومين نلاقي اسمه مش منتخب مصر القومي ولا منتخب مصر الوطني هانلاقيه منتخب حسن شحاته و طبعا اتحاد الكوره مش قادر يتدخل هايقولوله ايه؟ تفتكروا يقدروا يقولوا رجعو الواد قليل الادب ده علشان نوصل لكاس العالم؟ لو حصل كده حسن شحاته هايجرسهم و افرضوا بقى خد زيدان و ماوصلش لكاس العالم ساعتها حسن هايقول ده نتيجة التسيب و التدخل بتاع اتحاد الكوره و لو وصل من غير زيدان (مجرد افتراض) هيقول انا اللي وصلت مصر كاس العالم و كان اتحاد الكوره عايز يبوظ الدنيا نرجع تاني للفريق حسن شحاته كان معتمد على اتنين وسط مهاجم اللي هما زيدان و ابو تريكه و قدامهم مهاجم او من غير مهاجم قدامهم دلوقتي هايكون ابو تريكه و ممكن بركات لو مستواه ارتفع (مجرد افتراض) او ممكن يكون احمد عيد عبد الملك او حمص او شيكابلا ( ولو اني مش شايفه هايكون مفيد في تشكيلة الفريق رغم مهاراته العاليه) طيب مين مهاجم قدامهم لسه من شويه شايف برنامج في النيل للرياضه و مصطفى يونس قال فيه ( و انا شايف ان عنده حق ) قال ان كل لاعبي مصر سواء في الدرجه الاولى او الممتاز باستثناء 8 او 9 لعيبه مستواهم متقارب و الفروق قليله يعني لو عندك وسط مهاجم قوي زي ابو تريكه و اي واحد من اللي قلناهم الباقي هايكونوا زي بعض هانكون محتاجين واحد يخلص كره مرفوعه من الاطراف او تمريره من عمق الملعب احنا دلوقتي ماعندناش لعيب من سلالة الخطيب ولا لعيب من سلالة حسام حسن متعب للاسف مصاب و قدامه فتره طويله على مايشيل هجوم منتخب مصر و ده اللعيب الوحيد اللي عنده مهارات في المنطقه الباقي بعد كده كله درجه تانيه و ارجوكم انسوا حكايه اهلي و زمالك شويه عمرو زكي زي ميدو (هجامين) مافيش مهارات قد كده في منطقة الجزاء بس ممكن ياخدوا اي كره بالراس مرفوعه لكن عمرو غاوي يسقط في وسط الملعب و ميدو لسه بدري عليه على ما نقول انه ممكن يلعب صح في منتخب مصر يفضل عندنا لعيبه كويسه زي دودي و ده بيلعب بالراس كويس و مهاراته مش وحشه او حمدي السيد او احمد سلامه مش مشكله المهم يا جماعه ضم بركات بيقول ان حسن شحاته خايف من الاعلام و لو قدرنا حسن النيه ضمه بيقول انه بيدور على بديل لزيدان الوحيد اللي ممكن نقول انه في مستوى الموجودين و لسه مش في الفريق هو عمرو زكي لكن عمرو دماغه مش في اللعب من فتره و ماشفناش ليه اي حاجه جامده الفتره اللي فاتت عن الدفاع بقى مش هاتكلم كتير دول احسن الوحشين المشكله ان ماعندكش في مصر للاسف احسن من فتح الله و هاني سعيد و شريف عبد الفضيل لسه لم تظهر له كرامات مع الاهلي معلش طولت عليكم بس فيه حاجه لازم نفتكرها كويس احنا رايحين رواندا و لازم نكسب التشكيله اللي حسن شحاته اختارها تشكيله مش مجنونة هجوم يعني اتوقع يلعب بطريقه متوازنه نتهزم بقى او لا نكسب (مقصوده) مش مهم المهم ان حسن شحاته يكسب يكسب في ايه مش عارف بصراحه كنت عايز اناقش معاكم مين المدرب القادم للمنتخب لو هايختاروه من مصر بس مش وقته لكن اكيد فيه ناس كتير مننا ابتدت تفكر ايه اللي ممكن يحصل لو ماكسبناش الماتش الجاي لانه و لا اتمنى طبعا جايز يكون اخر ماتش لحسن شحاته مع المنتخب تحياتي و احتراماتي جو 
|
|
| الكلمات الدلالية (Tags) |
| للمنتخب, لقاء, المصري, اختيارات, رواندا, شحاته, عارم |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بالصور..أول تدريب للمنتخب الوطنى المصرى فى السودان | الحاكم العادل | آخر أخبار الكوره المصريه | 0 | 17-11-2009 12:20 AM |
| زي "شفاف" لمتطوعات الإطفاء يثير غضب عارم باستراليا | جو المصري | آخر خبر و آخر حادثة | 0 | 20-10-2009 03:30 PM |
| زكي ينضم للمنتخب يوم السبت .. ويلحق بلقاء رواندا | جو المصري | أرشيف آخر حاجه | 0 | 28-08-2009 03:00 AM |
| مصر تتعادل مع غينيا في تجربة ودية غير مطمئنة قبل لقاء رواندا المصيري.. فيديو | وليد | أرشيف آخر حاجه | 0 | 13-08-2009 12:01 AM |
| انطلاقة قوية للمنتخب المصري في كأس العالم لكرة اليد للشباب | امير الغزل | آخر أخبار أي رياضة غير الكوره | 0 | 05-08-2009 11:23 PM |
... جميع الحقوق محفوظه لمنتديات آخر حاجه © ...
.. جميع المواضيع و الردود تعبر عن سماجة و صلف كاتبها و طرقعة دماغه ولا تعبر بالضرورة عن راي اداره منتدى آخر حاجه ......
العرض العادي
