|
#1
07-09-2009, 02:25 PM
|
||||
|
||||
.gif){kind=icon}
مشاكل متوقعه في دفاع الأهلي و الزمالك
 باختصار شديد في الاهلي المشكله ان احمد السيد مش عاجبه مبلغ التعاقد للتجديد اللي عرضه عليه هادي خشبه شايف انه قليل جدا عليه مبلغ 800 الف جنيه في السنه و شريف عبد الفضيل بياخد مليون و نص و خصوصا ان احمد السيد لم يوفر له الاهلي تعاقد اعلاني زي كل اللاعبين القدام في النادي و بيطالب احمد بمليون في السنه غير نص مليون تعاقد اعلاني يدبره له النادي بصراحه انا شايف انه عنده حق احمد السيد مدافع قوي و خصوصا في خطة 4/4/4 اللي بيطبقها حسام البدري السنه دي و بيقدر يغطي على جيلبرتو كويس اللي غالبا بيتأخر في العوده للدفاع عندما ينطلق للامام و الحاجه التانيه ان شريف عبد الفضيل اصيب قبل استكمال لياقته البدنيه يعني ياخد وقت على ما يخف من الاصابه و بعدين يستكمل بناء لياقته على اي حال مش هايلعب الماتش الجاي حسب تصريحات الجهاز الطبي للاهلي موقف مش حلو لدفاع الاهلي واحد نفسه مسدوده و الناتي مصاب  أما عن الزمالك فالخواجه هنري ميشيل ناوي يطبق هوا كمان 4/4/2 المشكله انه لما هنري جرب طريقة 4/4/2 في ماتش طنطا تلقت شباك الزمالك هدفين و واضح ان فيه مشكله في استيعاب لاعبي الزمالك و خصوصا طرفي الملعب للطريقه كاستال قبل كده حاول برضه يطبق الطريقه دي بس المشاكل كانت كتيره و اضطر للعوده عنها و حاجه تانيه بيقول عليها الزمالكاويه كده هنري باشا هايستخدم هاني سعيد كمساك او وسط مدافع و مستواه في المركزين مش قد كده لأنه بطيء شويتين يعني لا هايعرف يرتد بسرعه للدفاع لو لعب وسط مدافع ولا هايعرف يجري مع اللعيبه هاني اساسا ليبرو الزمالك و المنتخب و الزمالكاويه خايفين كمان ان هاني يفقد مكانه في المننتخب و هو ا حالياً اللاعب الزمالكاوي الحيله اللي في المنتخب و كل نجوم الزمالك بره ( صحيح مصابين بس عدديا مافيش غير هاني في تشكيلة المنتخب الرئيسية ) 
|
 |
| الكلمات الدلالية (Tags) |
| متوقعه, مشاكل, الأهلي, الزمالك, دفاع |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اهداف فوز الزمالك و تعادل الأهلي و الاسماعيلي | جو المصري | فيديو كوره آخر حاجه | 0 | 12-12-2009 10:49 PM |
| يوتيوب فوز الأهلي على المقاولون و اتحاد الشرطه على الزمالك | جو المصري | يوتيوب و فيديو طرائف و غرائب الكره و الرياضة العالميه | 0 | 30-11-2009 12:18 PM |
| مشاكل بين بوجي مع الزمالك و قلق من الاسماعيلي | جو المصري | آخر أخبار الكوره المصريه | 0 | 23-11-2009 07:42 PM |
| الزمالك يزاحم الأهلى لخطف محمد صبحى من الدراويش | جو المصري | آخر أخبار الكوره المصريه | 0 | 16-10-2009 11:47 AM |
| صور وائل جمعة صخرة دفاع الأهلي و منتخب مصر | جو المصري | صور لعيبة كوره آخر حاجه | 0 | 06-09-2009 02:13 AM |
... جميع الحقوق محفوظه لمنتديات آخر حاجه © ...
.. جميع المواضيع و الردود تعبر عن سماجة و صلف كاتبها و طرقعة دماغه ولا تعبر بالضرورة عن راي اداره منتدى آخر حاجه ......
العرض العادي
